NBA-ын улирлын эхлэлийг маш муу тавьсан Вашингтон Визардс багийн дасгалжуулагч Флип Сондэрсийг ажлаас нь чөлөөлсөн тухай холбогдох албаны хүн мэдэгдлээ. Одоогийн байдлаар Визардсчууд ердөө 2 хожил, 15 хожигдлыг хүлээгээд байгаа нь энэ шийдвэрийг гаргахад хангалттай шалтгаан болж өгчээ.

Мягмар гарaгийн хэвлэлийн бага хурал дээр Сондэрсийг орлох хүнийг түүний туслах Рэнди Виттмэнээр зарласан бөгөөд юутай ч улирал дуустал Виттмэн багаа удирдах аж.

-"Бид багаа хариуцлагагүй тоглолтуудыг хийж байна гэж үзэж байгаа учраас Рэндиг багт шинэ дуу хоолой оруулж, багийн философийг өөрчлөөсэй хэмээн түүнийг багийн дасгалжуулагч болгож байна” хэмээн ярьжээ.

Сондэрсийн хувьд Визардстай байх 2 гаруй жилийн хугацаандаа 51-130 (392) гэсэн муухан амжилтыг үзүүлж, ийнхүү Визардсын 22 дахь дасгалжуулагчийн ажлаасаа бууж байна.

-"Багийн залуу тамирчдаас маш их зүйл гарч болохыг бид харсан. Дасгалжуулагчдын багийн хувьд бэлтгэл сургуулилтын талаас багийн тоглолтыг сайжруулах, илүү олон боломжийг талбай дээр үүсгэдэг болгохын тулд дэмжиж ажиллах болно” гэжээ.

Ингэснээр 1990 оны залуу хүү Жон Вол дээр суурилан тоглолтоо хийдэг байсан Визардсын тоглолтын арга барил өөрчлөгдөх үү, өөрчлөгдвөл хэрхэн яаж гэдэг нь олны анхаарлыг татаж байна.